Тестти аткаруу убактысы – 20 мүнөт. Тесттик тапшырмалардын саны – 10. Текстти окуп чыккыла. Тапшырмаларды аткаргыла. Кызыктуу келечек... Техника күн санап өсүп, биз фантастика деп кинодон көргөн нерселер жашообузда кезиге баштады. Жакынкы аралыкта учуучу машиналар чыга баштамакчы. Бул тууралуу "Toyota Motor Corp" компаниясынын мурунку инженерлери учуучу машинаны пландап, анын үстүндө иштеп жаткандыгы тууралуу маалымат беришти. Бул долбоордун негизинде чыккан учуучу машиналар жеке машина катары эмес, коомдук транспорт же такси катары пайдаланылмакчы. Ал эми "Тесла" компаниясынын башчысы Илон Маск адам сымал, баасы 20 миң доллар болгон Оптимус роботторунун үлгүлөрүн көрсөттү. Робот сахнага өзү чыгып, келгендерге кол булгалап, бир аз бийлеп да берген. Маск бул роботтун гүл сугарып, "Тесла" компаниясынын Калифорниядагы заводунда темирлерди көтөргөн видеосун да көрсөткөн. Компаниянын башчысынын айтымына караганда, роботтордун жаңы моделинде электромобилдердин автопилоттук системасындагыдай датчиктер орнотулган. Optimus роботунун салмагы 73 килограмм. Андроид кубаттагычы жок болжол менен бир күнгө чейин жүрө алат. Маск мындай роботтор бара-бара айрым жумуштарда адамдардын ордун алмаштыра аларын белгилеген. Маселен, тамак жасап, чөп тазалап, улгайган кишилерди карай алат. Жаңы моделдердин баасы 20 миң доллар. Туура жоопту тегеректеп белгилегиле.

№1. "Үлгү" деген эмне?

• А) окшоштуруп жаратууга негиз
• Б) фантастиканы ишке ашыруу
• В) чачыранды нерсени жыйноо
• Г) кыйраган нерсени бириктирүү

№2. Илон Маск кайсы компаниянын башчысы?

• А) "Toyota Motor Corp"
• Б) "Оптимус"
• В) "Тесла"
• Г) "Андроид"

№3. Ортимустун электромобилге окшоштугу эмнеде?

• А) атайын датчиктердин орнотулгандыгында
• Б) газ жана бензин менен иштегендигинде
• В) суу жана күндүн энергиясын пайдалануусу
• Г) аба, күн энергиясы менен иштегендигинде

№4. Учуучу машиналар келечекте эмне максатта чыгарылат?

• А) тез жардам унаасы катары колдонууга
• Б) өрт өчүрүүчү катары колдонууга
• В) коомдук транспорт катары колдонууга
• Г) жеке унаа катары гана колдонууга

№5. Илон Масктын Оптимус роботун чыгаруудагы негизги максаты кайсы?

• А) адамдарга түрдүү кызмат көрсөтүү
• Б) жолдордогу тыгын маселесин чечүү
• В) алыс аралыкка тоскоолдуксуз жетүү
• Г) жаратылыш ресурстарын таза сактоо

№6. Оптимус сахнага чыкканда эмне кылды?

• А) кол булгалап, жылмайган
• Б) кол булгалап, ырдаган
• В) кол булгалап, жугүнгөн
• Г) кол булгалап, бийлеген

№7. Андроид өчкөндөн кийин _______ чейин иштей берет.

• А) бензин / эки саатка
• Б) газ / үч жумага
• В) кубаттагычы / бир күнгө
• Г) суу / төрт айга

№8. Текст боюнча робот эмне кызматтарды аткарат?

• А) тамактардын түрүн жасайт
• Б) короодогу чөптөрдү тазалайт
• В) улгайган кишилерге көз салып тура алат
• Г) жогорудагынын бардыгын аткарат

№9. Оптимус роботунун баасы канча турат?

• А) 200 мин доллар
• Б) 20 мин доллар
• В) 2 миң доллар
• Г) 200 доллар

№10. Оптимустун салмагы канча?

• А) 730 кг
• Б) 730 гр
• В) 73 кг
• Г) 7300 гр

Жыйынтык упайы

Тест материалдары жыйналып алынат. Окуучуларга 10 мүнөт тыныгуу берилет.
Окуучулар тыныгуудан келгенден кийин, кийинки субтесттин барактары таратылат.