Қазақтың күміс көмей әншілері дегенде Әміре Қашаубаев, Роза Рымбаева есімізге түседі. Әміре Қашаубаев 1925 жылы Парижде өткен Дүниежүзілік көрмедегі этнографиялық концертте екінші орын алып, күміс медаль иеленген. Қазақтың «Ағаш аяқ», «Үш дос», «Қызыл бидай», «Жалғыз арша» сияқты классикалық әндері Әміре Қашаубаев айтқан үлгімен кейінгі әншілердің репертуарларында жалғасып келеді. Роза Қуанышқызы Рымбаева (28 қазан, 1957 жылы Семей облысында туған) кеңестік және қазақ эстрада әншісі. Қазақстанның халық әртісі (1986), халықаралық конкурстардың лауреаты. Құрмет және Парасат ордендері мен марапаттың иегері. Қырғызстанның (2000) және Өзбекстанның (1984) еңбек сіңірген әртісі. Көптеген халықаралық конкурстардың гран-при иегері болған Роза Рымбаева 22 жасында Қазақстанның еңбек сіңірген әртісі, 29 жасында Қазақстанның халық әртісі атанды.