1. Праверце сябе, адказаўшы на прапанаваныя тэставыя заданні. 1) Чым падобныя паміж сабой верш Р. Барадуліна «Трэба дома бываць часцей», апавяданне В. Карамазава «Дзяльба кабанчыка» і драма А. Дударава «Вечар»? а) творы належаць да аднаго літаратурнага роду і жанру; б) творы аб’яднаныя адной тэмай і праблемай; в) аўтары ўвасобілі адну і тую ж праблему: адчужэнне дзяцей ад бацькоўскага дома. 2) У якіх творах адным з вобразаў выступае калодзеж, які сімвалізуе неўміручасць жыцця? а) апавяданне «Дзяльба кабанчыка» і драма «Вечар»; б) драма «Вечар» і верш «Трэба дома бываць часцей»; в) верш «Трэба дома бываць часцей» і апавяданне «Дзяльба кабанчыка». 3) У якім з літаратурных твораў не сустракаюцца партрэтныя характарыстыкі герояў, пейзажныя замалёўкі, апісанні? а) апавяданне «Дзяльба кабанчыка»; б) драма А. Дударава «Вечар»; в) верш Р. Барадуліна «Трэба дома бываць часцей». 4) Якія спосабы мастацкага паказу жыцця не ўласцівыя эпічным творам? а) пейзаж, аповед; б) дыялог, маналог; в) партрэт, апісанне. 5) Асноўнае жыццёвае пытанне, якое Р. Барадулін, А. Дудараў і В. Карамазаў паставілі ў сваіх творах, аб’яднаных у раздзел «У трох абліччах»: а) узаемаадносіны бацькоў і дзяцей; б) у родных мясцінах цёпла ў душы і лёгка на сэрцы; в) неабходнасць прыезду ў родны кут.