10. Металдар мен құймалар әртүрлі заттармен жанасқанда, олармен әрекеттесіп, химиялық қосылыстар түзеді. Әсіресе жаңбыр, топырақ, ылғалды ауа әсерінен қоршаған ортадағы металдар бүлінеді. Бұл кезде металдардан жасалған бұйымның қасиеті мүлдем өзгеріп, ол біртіндеп бұзыла бастайды. Бұл үдеріс жемірілу (коррозия) деп аталады. (а) Алюминийден жасалған бұйымдармен салыстырғанда темірден жасалған бұйымдардың жылдам жемірілу себебін түсіндіріңіз. (b) Коррозиядан қорғаудың кез келген екі жолын ұсыныңыз.

а) Алюминийдің бетінде тығыз алюминий оксидінің қорғаныш қабаты түзіледі. Ол металдың әрі қарай тотығуына кедергі жасайды. Темірде түзілетін тат қабаты кеуекті әрі борпылдақ болғандықтан, ылғал мен оттек темірге жетіп, жемірілу жалғаса береді. Сондықтан темір бұйымдары жылдамырақ бұзылады.

b)

1. Бетін бояу немесе лакпен қаптау арқылы металлды ауа мен ылғалдан оқшаулау.
2. Мырышпен қаптау арқылы қорғаныш қабат жасау.