2-тапсырма. Мәтінді түсініп оқып, сұрақтарға жауап беру. Мәтін: Жер жаннаты Жетісуға көрік беріп тұрған Алатаудың қойнауы құтты — ауасы таза, шипалы судың көзі, мұнда өсімдіктің түр-түрі өседі, жануардың да түрі көп. Алатау тауының басынан қысы-жазы қар кетпейді. Қалың хош иісті шыршалар мен қарағайлар қоршап тұр. Қойнауы құпияға толы Алатау қазақ үшін биіктіктің, асқақтықтың символына айналған. Флора мен фаунаға аса бай сұлу табиғаттың Алатау аталатын ғажайыбы осы жерді мекендеген халық үшін де, келген-кеткен қонақтар үшін де үнемі сағындырып тұратын ерекше күшке ие. Алатау тауының етегінде әсем қала Алматы күннен күнге көркейіп келеді.