2. Текстны укыгыз. Сез бу фикерләр белән килешәсезме? Урман — кешенең якын дусты. Урманны кем генә яратмый икән?! Ул үзенең матурлыгы, гүзәллеге белән табигатькә ямь бирә. Урманда һава чип-чиста, шуңа күрә аны планетабызның үпкәсе дип атыйлар да инде. Урман ул — кислород чишмәсе, ягулык, төзү материалы, дарулар дөньясы да. Тормыш өчен кирәкле сумала, камфара, скипидар, буяулар да урманнан алына. Урман кошларга, җәнлекләргә азык, яшәү урыны бирә, кырларыбыз өчен дым саклый, климатны яхшырта. Урмандагы һәр үсемлек, җәнлек, кош табигатькә ямь бирә. Зифа ак каеннар, күке тавышы, сандугачлар сайравы... Барысы да урман белән бәйле.