3. Нурай бир тууган инисине торт бышырып жатат. Ал торттун четин периметри боюнча крем менен кооздогусу келет. Кремди даярдап жатканда иниси торттун бир бөлүгүн кесип алды. а) Нурай калган торттун периметрин кооздоо үчүн мурункудай эле көлөмдө крем колдонобу? Жообуңду түшүндүрүп, негизде. б) Эгер Нурай тортту кооздоого көбүрөөк крем колдонсо, анда иниси торттон кандай кылып кесип алган болушу мүмкүн?

а) Ооба, сүрөттөгүдөй торттун бурчунан тик бурчтуу бөлүк кесилсе, периметр өзгөрбөйт. Сырткы четтен алынган эки кесиндинин ордуна узундуктары ошолордун суммасына барабар болгон эки жаңы чет пайда болот. Ошондуктан кооздоло турган жалпы четтин узундугу мурункудай эле калат.

б) Периметр көбөйүшү үчүн бөлүктү торттун бурчунан эмес, капталдарынын биринин ортосунан оюк кылып кессе болот. Анда оюктун эки жаңы капталы периметрге кошулуп, торттун сырткы четинин жалпы узундугу көбөйөт.