3. Складзіце апавяданне пра жыццё нашых продкаў па малюнках і змешчаных пытаннях.

Нашы продкі-славяне жылі ў паселішчах каля рэк і лясоў. Рака давала ім ваду і рыбу, а лес — драўніну, дзічыну, ягады і грыбы. Людзі апрацоўвалі зямлю, разводзілі жывёлу, палявалі, рыбачылі і збіралі мёд дзікіх пчол. Жанчыны ткалі, шылі адзенне і гатавалі ежу. У гаспадарцы было шмат працы, таму людзі дапамагалі адно аднаму. Каб абараніць паселішча, яго абносілі частаколам, равамі і землянымі насыпамі.