71. Прачытайце сказы. Пастаўце пытанні да дзеясловаў. Званіў тэлефон на стале (І. Шамякін). Мы ішлі вуліцамі пустога горада (У. Караткевіч). Апошнім часам стары князь доўга хварэў (В. Шырко). Тэлефон азваўся надрыўна і трывожна (А. Якімовіч). Хлопцы пайшлі ў арэхі (І. Навуменка). Пятро прастудзіўся і захварэў (І. Шамякін). Якія дзеясловы абазначаюць незакончанае дзеянне? На якія пытанні яны адказваюць? Якія дзеясловы абазначаюць закончанае дзеянне? На якія пытанні яны адказваюць?

Пытанні да дзеясловаў:

• Тэлефон (што рабіў?) званіў.
• Мы (што рабілі?) ішлі.
• Князь (што рабіў?) хварэў.
• Тэлефон (што зрабіў?) азваўся.
• Хлопцы (што зрабілі?) пайшлі.
• Пятро (што зрабіў?) прастудзіўся і (што зрабіў?) захварэў.

Дзеясловы незакончанага трывання абазначаюць незакончанае дзеянне і адказваюць на пытанне «што рабіў?» («званіў», «ішлі», «хварэў»). Дзеясловы закончанага трывання абазначаюць закончанае дзеянне і адказваюць на пытанне «што зрабіў?» («азваўся», «пайшлі», «прастудзіўся», «захварэў»).