Д1айеша текст. Кхочушде 3-5 т1едахкарш

Текст

Говрахь ГӀизлара ара а волий, геннахь йолчу раьгӀнашка, царна дехьарчу лаьмнашка дӀахьоьжура Александр. «Цигахь йу-кх со вина йурт. Муха ду-те цигахь? Дийна вуй-те цхьа а со дагавогӀург? Гича вевзар варий-те?» – ойланаш хьийзара коьрте.

Николай Николаевичана ца хаалуш ца дисира ша кхиочу, шена везавеллачу кӀантана лууш дерг.

ШолгӀачу дийнахь, малх кхетаза а болуш, лома боьдучу новкъа вогӀура ши бере.

Некъ кӀезиг хьешна гора, шина а агlop йаьлла баьццара буц йара, йуккъехь наггахь кӀайн, цӀен зезагаш а долуш. Некъана цхьа гӀулч нацкъара ваьлча, кога лар а йоцуш йуькъа хьун лаьттара, тайп-тайпанчу олхазарша шакарш а йетташ.

Раевскийс йийцинчу йуьртан йисте кхечира ши бере. Делкъхан хуьлуш лаьттара.

– ХӀара йу-кх и йурт.

Сихделла тохаделира Александран дог. «Сан йурт... хӀара йу-кх со вина йурт», — бохура цуьнан балдаша. Леррина дӀахьежарх девзаш хӀума дацара. «Комарийн дитт... дитт мукьана а гахьара», — хьаьвзира коьрте.

Йуьртах чувуьйлира ши бере.

– Схьахетарехь, хӀокху новкъа иштта дӀавахча, дара-кх тхан цӀенош, – элира Александра.

Йуха а, меллаша говраш йохкуьйтуш, йуьртан кхечу урамехула вогӀура ши бере.

Цхьана меттехь цӀенош лаьттина хилла ах дохийна пенаш гира