«Кус сүрэх» ити тыллар мин сүрэхпин сытыы кылыс буолан тэһитэ кэйэллэр. «Кырдык, куттађас — кус сүрэх. Бэйэ эрэ тыынын тэскилэтэн, кутталга, өлүүгэ табаарыспын со5отохтуу бырахпыппын. Оттон Алик куттамматах дии... Оо дьэ, саат... Өссө бастын боксуор... Чөмпүйүөн... Хайдах гыныахха?.. Оболорго кэпсиэххэ дуо? Кинилэр, арааһа, билбэт эбиттэр. Оччобуна, Алик эмиэ билбэккэ хааллађа. Кистиэххэ, этимиэххэ... Ким дађаны билбэтин, куттас кус сүрэх — мин куоппуппун. Билиннэхпинэ, бары киэр хайыһыахтара, миигиттэн бары кэлэйиэхтэрэ... Ол түүн харахпын кыратык дађаны симмэтим. Харахпар умса ууруммут хоттуустаах, кэтит сирэйдээх киһи бу көстө турар. То5о охсубатах бэйэбиний?! Оо, чахчы, кус сүрэхтээх киһибин... Өссө бүгүн куоппуппун, табаарыспын өлүүгэ бырахпыппын дьонтон кистээтим. Уонна бар дьонум сирэйин хайдах утары көрөбүнүй?.. Кус сүрэхтээх хоргус киһи — мин бүгүн табаарыспын түһэн биэрэбин... Онтон... онтон сарсын норуоккун, төрөөбүт дойдугун түһэн, таннаран биэ-риэн. Суох!.. Дьиннээх киһи туохтан да толлубат, хорсун, эр санаа-лаах буолуохтаах... Буруйу-аньыыны эрдэтинэ билиниэххэ...» (ВС)