2. Прачытайце. Якое значэнне ў кожным тэксце мае слова хлеб? Дайце тлумачэнне праз сінонімы. Запішыце. І. Хіба ж гэта не шчасце пакратаць рукою неацэнную жаўцізну спелага коласа, моўчкі пастаяць перад магутнай сцяной збажыны, падыхаць спрадвечным водарам хлеба. Не! Што ні кажыце, а менавіта гэта і ёсць ні з чым не параўнальнае шчасце, найвялікшая асалода пачуццяў не толькі хлебароба, а ўвогуле чалавека Зямлі (В. Праскураў). ІІ. Забялеў абрус на стале з калянага лёну. На сярэдзіну сонцам хлеб ускаціўся надзённы. Хлеб жытнёвы, хлеб новы толькі з поду ўзняты, На лістоце кляновай, нас паклікаў у хату. ІІІ. На свеце сустрэла я хлеба разлівы Мяхі, элеватары, родныя нівы... Ён золатам ліўся, і плыў ён ракой, На гумнах ляжаў высачэзнай сцяной. А. Салтук. А. Благініна. • Якое слова хлеб адназначнае ці мнагазначнае?