95. С Текстны укы. Мин өйгә ашыкмыйча кайттым. Бусаганы атлау белән, күзем көзге алдын- дагы язуга төште. Аны сеңелем язып калдырган: «Сәлам, Булат абый! Әни эштә, мин кинода. Кайткач, аш пешер. Ите белән токмачын әзерләп куйдым». Эх, бик матур яза минем сеңелем, тигез хәрефләре сайлап куелган кебек. Мин язуны урынына куйдым. Эшкә керешкәнче, өс-башымны алмаштырдым. Аш бүлмәсенә чыктым. Ашны куйгач, бәрәңге әрчергә тотындым. Абау, ул арада Иркә үзе дә кайтып җитте. Бераздан әниебез дә кайтыр, тәмле шулпа да пешәр. — И-и-и, рәхмәт, кадерлеләрем³, – дип әйтер әниебез, өстәл янына килеп утыргач. Хәсән Сарьяннан Беренче абзацны күчереп яз. Синең дә хәрефләрең тигезме? Тартым белән төрләнгән исемнәрнең астына сыз. Парлы сүзне күчереп яз, мәгънәле кисәкләрен билгелә. Ымлыкларны укы. N Ымлыкка морфологик анализ ясау тәртибе белән таныш.