Шардар 254. Схьайазде кийсак йукъара цIердешнаш, церан терахь, дожарш билгалдаха. Барта цхьаллин терахьехь долу цIердешнаш дукхаллин терахье даха. БIаьстенан Iуьйре. Лаьмнаш тIехьара схьакъеди- ра сирла малх. Цуьнан зIаьнарш хьуьнан диттийн баххьашкахула кхерстира. Коьллашна а, бацана а тIедиллинчу тхин Iадамаш лепара тайп-тайпанчу ба- саршца. Йеххачу буса тийна дижина Iиллича санна, набарха долуш лаьттара Iалам. Хьун, акхарой, сагал- маташ бIаьстенан малхана йоьлура. Хьаннийн тато- лийн бердашца девллачу таьллаша уггар хьалха хаий- тира бIаьсте йолуш йуйла. Цуьнан дуткъачу нийсачу гаьннаш Iехь гуш заза дара. БIаьсте Iекхачар хаийтира накхармозаша а. Шийла Iа чекх ма-деллинехь, накхарш (тускарш) ара малхе хIиттийнера мазлагIехь. Iуьйранна малх схьакхе- таш шайн зевнаца меттахдевлира ца кIордош къахьоь- гуш долу уьш. Цкъачунна мозий накхаршна гена ца довлура. (Х. Хь.)