Шардар 173. Схьайазие дийцаран кийсак. Хандешнашна буха сиз хьакха. Иза генахь йара суна цу дийнахь а, аьлча а, со вара-кх генахь. Иза-м цIахь йара - Нохчийчохь. Даим болу шен халхаран мукъам ладугӀучуьнца хийцинера шовдано а. Шайн шакарш лахйина, лерина тхойшинга ладугӀуш Іара олхазарш, наг-наггахь, тхойшинна томана санна, боцца шайн мукъам балош. Иштта ойланаш генайевллачу хена- хь, мелла а эсалчу боларехь диттийн генаш лестош, уьш хьаош бара хьаькхна мох а. ХӀетахь тхох бӀаьргкхетта, чубуза ца лууш, дукъах кхоза а белла, шен зӀаьнарш тхох хьерчош дикка Ӏийра малх а. Цу малхо шега хаам бича санна, дукха ца Ӏаш, сихха схьахӀоьттира беттаса а, шен хьуьнарш гайта. ХӀетте а Іуьйре тӀекхечира. (Т. С.)