9. Текстти окуп, суроолорго жооп бергиле. Кыргыздан чыккан тунгуч режиссёр аял Белгилүү кинорежиссёр Динара Асанова 1942-жылынын 24-октяб- рында Фрунзе шаарында туулган. Анын атасы журналист, апасы текстиль тармагында иштеген. Болочоктогу режиссердун мүнөзүнүн калыптанышына чоң энесинин таасири күчтүү болгон. Апасы Динара- нын текстиль тармагында иштөөсүн каалаган. Динаранын апасы эмнеге анын текстиль тармагында иштөөсүн каалаган? Кызы келечекте кайсы тармакты тандайт деп ойлойсуңар? Бирок болочок кинорежиссёр 1960-жылы мектепти аяктагандан кийин «Кыргызфильмге» барып, жумушка алуусун өтүнүп студияны шыпырып болсо да иштей турганын айткан. Өтө өжөр, өткүр, тайманбас, айтканынан кайтпаган кыздын мындай мүнөзүнө таң калган студиянын жетекчилери аны жумушка алууга макул болушкан. Ошентип Дина- ра Асанова катардагы жумушчу болуп иштөөдөн режиссёрдун жар- дамчысына чейин жеткен. Динаранын мүнөзү кандай экен? Ал көздөгөн максатына жеттиби?