Урман аланнары төрле-төрле матур чәчәкләр белән бизәкләнгән. Ул чәчәкләр куе үләннең карасу кыяклары эченнән күктәге йолдызлар кебек, күзгә карап, көлеп, елмаеп торалар Куе агачлар эченнән вак ташлыклардан көмеш кебек сулы салкын чишмәләр мөлдерәп һәм челтерәп ага. Авыл аркылы чыккан тирән генә, тар гына саф сулы инеш ямь-яшел болынны икегә аерып китә. Ул инештә балалар, үрдәкләр, казлар җәй буе коелар. Матур соң безнең авыл!