Жіктеу есімдігі Белгілі бір заттық ұғыммен байланысты қолданылатын есімдік- тің түрі жіктеу есімдігі деп аталады. Жіктеу есімдігі үш жақта қол- данылады. Сөйлеуші адамды білдіретін сөз І жақ болады. Оған мен, біз, біздер деген сөздер жатады. Тыңдаушы адамды білдіретін сөз ІІ жақ болады. Оған сен, сендер, сіз, сіздер деген сөздер жатады. Бө- где адамдарды не бөгде бір затты білдіретін сөз III жақ болады. Оған ол, олар деген сөздер жатады. Жіктеу есімдігі жекеше түрде де, көпше түрде де қолданылады. Мысалы: Жекеше Көпше І жақ ІІ жақ ІІІ жақ мен сен (сіз) ол біз, біздер сендер (сіздер) олар Жіктеу есімдігіне жіктік жалғау қосымшаларын жалғауға болады. Бұлардың жіктелуінің ерекшелігі бар. Жіктеу есімдігі қай жақта тұрса, сол жақтың ғана жіктік жалғау қосымшасы жалғанады. Мысалы, Мен ән айттым. Сен ән айттың.