10. Адзначце сказы, у канцы якіх трэба паставіць клічнікі: 1) А хіба вартасць людзей не вымяраецца іх справамі (Ю. Карнаў). 2) Эх, слаўна ў лесе, слаўна, браты (Я. Колас). 3) Прымай, хлебароб, плён сваіх рук і журбот (Т. Хадкевіч). 4) Цыбата ходзяць журавлі паміж аўсоў на ўскрай зоны (М. Мятліцкі). 5) У адпаведнасці з раёнамі розныя і пейзажы Беларусі (Ю. Карпачэўскі).

У сказе 2 клічную інтанацыю падказвае выклічнік «эх», у сказе 3 — пабуджэнне «прымай», а сказ 4 падаецца як эмацыянальна-ўзрушанае паведамленне. У сказе 1 задаецца пытанне, а сказ 5 — звычайнае паведамленне.

Адказ: 2, 3, 4.