12. Адзначце сказы з прамым парадкам слоў: 1) Я шчыра люблю неспакойных і смелых… (С. Грахоўскі). 2) У лесе распарадзілася бабіна лета (Л. Левановіч). 3) З шумам над возерам пралятае чарада гусей (В. Вольскі). 4) Круглы месяц ярка асвятляў усё наваколле (Я. Колас). 5) Ходзяць у пары сонца і дзень, радасць і смутак, любоў і нянавісць… (А. Вярцінскі).

Пры прамым парадку слоў дзейнік звычайна стаіць перад выказнікам, а залежныя словы — побач з тымі, да якіх яны адносяцца. Гэта захавана ў сказах 1 і 4. У сказах 2, 3 і 5 выказнік стаіць перад дзейнікам.

Адказ: 1, 4.