10. Адзначце складаназалежныя сказы з паслядоўным падпарадкаваннем даданых частак: 1) У Маскве была кнігарня «Дружба», дзе прадаваліся кнігі, што выходзілі ў выдавецтвах усяго свету. 2) Нешта прыемна-балючае цягнула нас на тыя мясціны, дзе стаяла баржа Сцяпана, дзе мы вудзілі рыбу і бестурботна плюхаліся да вечара ў цёплай вадзе. 3) Калі Раман сказаў бацьку, што хоча ажаніцца з Надзяй, той доўга маўчаў. 4) Высах і ручаёк у Шапчынскім бары, ля якога я так любіў сядзець, калі мне было невыносна сумна... 5) Калі Віктар выбраўся на купчастую балоцістую палянку, дык убачыў, што Мірон схіліўся над журавінам.

Правільныя адказы: 1) У Маскве была кнігарня «Дружба», дзе прадаваліся кнігі, што выходзілі ў выдавецтвах усяго свету. 2) Нешта прыемна-балючае цягнула нас на тыя мясціны, дзе стаяла баржа Сцяпана, дзе мы вудзілі рыбу і
бестурботна плюхаліся да вечара ў цёплай вадзе. 5) Калі Віктар выбраўся на купчастую балоцістую палянку, дык убачыў, што Мірон схіліўся над журавінам.

Пры паслядоўным падпарадкаванні даданая частка падпарадкоўваецца галоўнай, а наступная даданая частка падпарадкоўваецца папярэдняй даданай. У сказе 1: кнігарня (дзе прадаваліся кнігі), кнігі (што выходзілі). У сказе 2: мясціны (дзе стаяла баржа), баржа (дзе мы вудзілі). У сказе 5: Віктар убачыў (што Мірон схіліўся).