ДӀаеша. Къовларшна юккъехь долчу дешнех карарчу хенан деепричастеш а еш, дӀаязъе уьш.

1. КӀайн, Іаьржа, можа юьхь басца ца <strong>хоьржуш</strong>: нагахь хьо, дог цӀена, тешамашца <strong>вагӀахь</strong>, гӀийлачийн паргӀато ахьа дагца <strong>лехахь</strong>, адаман лааме <strong>ладогӀа</strong> гӀертахь, хьо оьшу суна (М.М.). 2. Нагахь тӀулг ахьа <strong>айахь</strong>, и хьуна <strong>кхетар</strong>, цӀий <strong>Іано</strong> хьо гӀертахь, хьан мерах <strong>догӀур</strong> (М.М.). 3. Полларчий хӀаваэхь дегалуш <strong>кхерста</strong>, шовданан куьзганахь бес-бесар <strong>лепа</strong> (М.Н.). 4. Къевкъинчу цу стигалахь цӀаьххьана <strong>йогӀуш</strong>, догӀанца мархаша <strong>хӀоттабо</strong> бода, лаьтта тӀе малх <strong>гучуболу</strong> (М.І.). 5. Ламанан хотешкахь, кӀорнина тоьхча, дарлой, и лам <strong>бекаш</strong>, лоьмо мохь бетта (Б.С.). 6. Са мел долу хӀума буьйсанан бена <strong>доьрзуш</strong>, деньеллера суьйре. 7. Кхетам <strong>болуш</strong>, эсала берд бу иза. 8. Шадерг шен-шен метта хӀутту: малх <strong>хьожуш</strong>, олхазарша эшарш <strong>лоькхуш</strong>, жиманиг воккха <strong>хуьлуш</strong>, хи шен хорша <strong>охьаоьхуш</strong>, дитташа чӀенгаш <strong>этӀайош</strong>, хьун <strong>денлош</strong>... (М.М.)<br>Кеп: хоржу - хоржуш.</p>