III. Выкананне тэстаў па тэме «Просты сказ» (Ступень складанасці тэстаў узрастае з нумарам варыянта.)

1 варыянт

1. Адзначыць правільныя адказы спосабу выражэння дзейніка:
   • а) назоўнік
   • б) прыметнік
   • в) займеннік
   • г) зваротак
   • д) прыслоўе
   • е) акалічнасць
   • ё) неазначальная форма дзеяслова
   • ж) непадзельнае словазлучэнне.
2. Адзначыць правільнае сцвярджэнне:
   • а) Дапаўненне — даданы член сказа, які паясняе дзейнік, абазначае аб'ект і адказвае на пытанні ўскосных склонаў.
   • б) Дапаўненне — даданы член сказа, які паясняе выказнік і акалічнасць, абазначае прымету па дзеянні і адказвае на пытанні ўскосных склонаў.
   • в) Дапаўненне — даданы член сказа, які паясняе выказнік або іншыя члены сказа, абазначае аб'ект і адказвае на пытанні ўскосных склонаў
   • г) Дапаўненне — галоўны член сказа, які абазначае прадмет, паясняе дзейнік і адказвае на пытанні ўскосных склонаў.
3. Адзначыць правільнае сцвярджэнне. Да даданых членаў сказа адносяцца...
   • а) акалічнасць, дапаўненне, зваротак, прыдатак,
   • б) акалічнасць, дзейнік, азначэнне, дапаўненне;
   • в) дапаўненне, азначэнне, акалічнасць;
   • г) дапаўненне, прыдатак, азначэнне, зваротак.
4. Зрабіць сінтаксічны разбор сказа:

   Вясной дзяцел слухаў звонкія песні драздоў, івалгі і пералівы салаўя.

5. Неразвітыя сказы дапоўніць даданымі членамі сказа:

   Наступаюць дні. Вецер не скалыхне. Неба пазірае. Сонейка выглядае. Падарыла восень.

6. Запісаць сказы згодна з умоўнымі графічнымі абазначэннямі:
   • а) На невялічкай прагаліне сярод ельніку стаяла прыгожая асіна.
   • б) Пад самай верхавінай на яе гладкім ствале выдзеўб дзяцел дупло і зрабіў сабе гняздо.
   • в) Адсюль быў відаць увесь лес, і многія птушкі зайздросцілі яму.
7. Выпісаць са сказаў выказнік, вызначыць яго від:
   • а) Паміж каранёў разложыстых дрэў выбівалася невялікая рачулка.
   • б) Летам яе можна было пераступіць у любым месцы.
   • в) З прыходам вясны пшырокая плынь талай вады пачынала заліваць прыбярэжныя кусты і лес.
   • г) Рачулка станавілася сапраўднай ракой.

   — 116 —