1. Мемет Нузет, 1888 сенеси, эски эсапнен мар- тнынъ 13-юнде, Евпатория шеэрининъ дживарындаки Айдаргъазы коюнде дюньягъа келе. О, балалыкъ чагъындан, кой-койдён саз чалып, къобуз чалып, бейит айтып юрьген кедайларнынъ ве кой къартлары- нынъ агъызларындан, халкъымызнынъ тарихий эртек ве дестанларыны, масал ве текерлемелерини, аталар сёзлери ве айтымларны, джумакъ ве денъемелерини эшитип, халкъ йырларынынъ мунълу эзгилерини, сунь- гер киби, ичине синъирип, кочебелик девирлеринден къалма шам атлавларны, сувгъа ириген къуршун тёкип, къоркъулыкъ чыкъарувларны, наврез байрамларыны корип осе. О, озюнинъ бу балалыкъ теэссуратларыны бутюн омрю бою сакълап келе ве озь эдебий яратыджылыгъ- ында булардан кереги киби файдалана. (Э. Шемьи-заде)