Шардар 83. Лаамзачу причастешна кӀел цхьа сиз, лаамечарна кӀел ши сиз а хьокхуш, схьаязъе. 1. Батталучу кийрара схьаеттачу йовхоно дакъийна балдаш вовшахлетара, цо мотт мосазза хьокху (М.М.). 2. Ахьа дийцахьа, Іабдулла, кхунах дан дезарг (Я.М.). 3. И бохург хӀун ду? Цкъа галваьлча, вухуш хуьлу? Ахьа деанчуьнга со ладугӀуш ву-кх! Ша дуьйцург Семеновна дош цахетар ца лалора цуьнга (М.Н.). 4. Дог доккхадедеш, йолучу бӀаьстено шен хаза тӀамарш хецна Кавказан лаьмнаш чу. 5. Хьалхаваьлла вогӀу бере сирачу говрахь вара. 6. Таллархочо йийна борз коканан кондарна уллохь Іуьллура. 7. Цунна тӀаьхьа вогӀург кест-кеста дӀасахьожура. 8. Цо йийнарг хьалха гуро лаьцначуьра дӀаяхна борз хиллера.