4-тапсырма. Тақырып желісінен шықпай, әрбір абзацты жүйелі құрастырып, қажетті мазмұнын ашып 90-100 сөзден тұратын эссе жазыңыз. Электр энергиясын үнемді тұтынудың пайдасы зор. Ол қоршаған ортаны сақтау факторларының бірі. Сол себепті электр энергиясы бүгінгі таңда кез келген қоғам өмірінің маңызды бөлігіне айналған. Дегенмен қазіргі кезде пайда болып жатқан жаңа технологиялардың барлығы электр энергиясын көп пайдалануды талап етеді. Мұндай жағдайда, электр энергиясын қалай үнемдеуге болады?

Электр энергиясын үнемдеудің жолдары көп. Біріншіден, үйден шығар кезде барлық электр құрылғыларын сөндіру керек. Екіншіден, энергияны аз тұтынатын шамдарды пайдалану қажет. Үшіншіден, тұрмыстық техниканы дұрыс пайдалану керек. Мысалы, тоңазытқышты қабырғаға тым жақын қоймау керек, себебі ол көбірек энергия тұтынады. Сонымен қатар, электр энергиясын үнемдеу үшін күн батареяларын және жел генераторларын қолдануға болады. Бұл әдістер қоршаған ортаға зиян келтірмейді және энергияны үнемдеуге көмектеседі.