Тапсырмалар 1. Денені қай жағдайда материалдық нүкте деп қарастыруға болатын мысалдарды анықтаңыз. Қозғалыстағы дене мысалы: жағалаудан алыстап бара жатқан кеме; мектеп ауласында ойнап жүрген оқушы; эскалатормен көтеріліп бара жатқан адам; Жер бетінен ғарышқа қарай ұшып бара жатқан ракета; Жерді айнала қозғалып жүрген жасанды серік; сынып бөлмесінде жүрген оқушы. «Иә» немесе «Жоқ» деп белгілеңіз.

Дененің өлшемі қарастырылатын қозғалыс қашықтығымен салыстырғанда елеусіз болса, оны материалдық нүкте деп қарастыруға болады.

Мектеп ауласындағы және сыныптағы оқушының қозғалысын сипаттағанда денесінің өлшемі мен қозғалыс траекториясын ескеру қажет. Қалған жағдайларда дене өлшемін қозғалысқа қатысты елемеуге болады.