(Текст дIа а йеший, кхочушде 3-5 тIедахкарш) Текст Цхьана дикачу, борачу динахь, тIедуьйхина доIахан басахь цIена чоа а долуш, къона бере кхиира ГIойсамна тIаьхьа. Сов сиха говрара охьа а иккхина: - Говра хаа, элира беречо къеначу хьехархочуьнга. - ХIан-хIа, ирс хуьлда хьан, дукха вехийла! Суна иштта, аренашка бIаьрг а тухуш, гIаш воьдуш атта хета. - Со а сиха вац, воккха стаг, говр кийча йу, паргIат хьайн гIуллакхе хьажахьа. - ХIан-хIа, баркалла. Суна ишшта атта хета, аьлла, ца хиира хьехархо говра. Говран йуьхь а лаьцна, ГIойсамна йуххе а хIоьттина, бере а гIаш волавелира... Некъ аьтту агӀор бирзича, хаъал Iаржйеллачу стигалахь лекхачу акхтаргийн гIаларташ дара гуш. Царна йуккъера схьа, тIе хIур биллина дела, аьчкан басахь гуш хьеран тхов а бара, хезаш гIийла хьийзачу хьеран беранан гӀовгӀа а йара. Шийлачу лаьмнаш тIе кIорга суьйре йижнера. - Со дIакхечи-кх хIинца. Чувола соьца, хьаша хир ву хьо, элира ГIойсама шен некъахочуьнга. Паьххьана дIахьаьжча, хьехархочун бIаьрг хьера хьалха цхьана сийна- аначу бай тIе буьйжира. Iаьржа йелахь а, боданера схьагуш баппийн кIайн чесала кортош дара. Уьш доцурш массо а хIума, шайн дезарш дина чекх а