301. 1) Орамдағы сымды әрқайсысының ұзындығы 12 м немесе 18 м бөліктерге бөлуге болады. Орамда кем дегенде неше метр сым бар? 2) Таңертеңгі сағат 8-де элеватордан астық таситын үш машина шықты. Машинелердің біріншісі 3 сағатта, екіншісі 4 сағатта, ал үшіншісі 6 сағатта элеваторға қайтып оралып отырады. Егер машинелер бірқалыпты жүріп тұрса, олар сағат нешеде элеваторда қайта кездеседі?

Сымның ұзындығы 12-ге де, 18-ге де қалдықсыз бөлінуі керек. 12 = 2² · 3, ал 18 = 2 · 3², сондықтан ЕКОЕ(12, 18) = 2² · 3² = 36.

Жауабы: орамда кем дегенде 36 м сым бар.

Машинелердің элеваторға қайтып келу аралықтарының ортақ ең кіші еселігін табамыз: ЕКОЕ(3, 4, 6) = 12 сағат. Сағат 8-ден 12 сағат өткен соң олар қайта кездеседі: 8 + 12 = 20.

Жауабы: сағат 20:00-де.