Ең кіші ортақ еселік туралы сұрақтар: 1) Берілген натурал сандардың ең кіші ортақ еселігі деп қандай санды атайды? 2) Берілген натурал сандардың ең кіші ортақ еселігі қалай табылады? 3) Өзара жай сандардың ең кіші ортақ еселігі неге тең? 4) Егер берілген сандардың біреуі басқасына бөлінсе, олардың ең кіші ортақ еселігі қалай табылады?

Берілген натурал сандардың әрқайсысына қалдықсыз бөлінетін ең кіші натурал сан олардың ең кіші ортақ еселігі (ЕКОЕ) деп аталады.

Сандарды жай көбейткіштерге жіктейді, содан соң жіктелулердегі әрбір жай көбейткіштің ең үлкен дәрежесін алып, оларды көбейтеді.

Өзара жай екі санның ЕКОЕ-і олардың көбейтіндісіне тең.

Егер сандардың біреуі екіншісіне бөлінсе, ЕКОЕ үлкен санға тең.