504. «Жас математиктер» үйірмесіне қатысқан 16 оқушы 8 үстелге отырды. Үйірмеге қатысушылардың жартысынан көбі ер балалар. Осындағы бір үстелде 2 ер баланың отырғанын дәлелдеңдер.

16 оқушының жартысы \(16:2=8\), демек ер балалар саны 8-ден көп.

Кері жорып, әр үстелде ең көбі бір ер баладан отыр деп алайық. Онда 8 үстелдің бәрінде бірге ең көбі 8 ер бала ғана отырар еді. Бұл ер балалар саны 8-ден көп деген шартқа қайшы.

Демек, кемінде бір үстелде екі немесе одан да көп ер бала отырады. Сондықтан онда 2 ер баланың отырғаны дәлелденді.